Evento ‘Poeta di Patria’

ORANJESTAD - Recientemente, den Cas di Cultura, a tuma lugar e evento ‘Poeta di Patria caminda cu poetanan a declama poemanan na nos Pais.

Competencia Poeta di Patria na Cas di Cultura.Competencia Poeta di Patria na Cas di Cultura.Esaki tabata e di 8 biaha cu ta organisa e evento aki cual ta relaciona cu celebracion di nos Dia di Himno y Bandera. Un total di 14 poeta a declama poemanan expresando nan amor y sintimento pa nos patria stima.

E anochi a wordo habri pa Sra. Suzy Maduro kende tabata e MC di e anochi aki. Sr. Atan Lee a hiba palabra como e fundador di e evento aki, sigui pa minister di Cultura, Sra. Xiomara Maduro cu a duna un bunita discurso elogiando esnan participando y gradiciendo nan pa carga Aruba su cultura atraves di nan poemanan.

E competencia tabata uno fuerte, di nivel halto y sigur tur 14 participante a sa di dedica bunita palabranan na nos dushi isla cu a laga nos tur mas namora di nos pais.

Ganadonan Competencia Poeta di Patria.  Ganadonan competencia Poeta di Patria hunto cu Minister di Finansa, Asunto Economico y Cultura mr. Xiomara Maduro. Na tercer lugar a keda Sergio Winterdal cu e poema titula ‘Mi Sanger’ cu a tabata un inspiracion di e indjannan di temponan aya. Na segundo lugar a keda Sr. Jhon Freddy Montoya cu su poema ‘Mas di Mil Motibo’, un poema cu a expresa tur e motibonan cu ta haci Aruba asina maraviyoso. Y por ultimo, e prome lugar y ganador di ‘Poeta di Patria’ di 2021 a keda den persona di Sr. Frank Croes, cu e poema ‘Nos Lenga’ cual tabata un creacion di nos idioma pa comunica cu otro.

Sr. Jhon Freddy Montoya kende a keda na segundo lugar cu su poema ‘Mas di Mil Motibo’, un poema cu a expresa tur e motibonan cu ta haci Aruba asina maraviyoso.  Sr. Frank Croes, prome lugar y ganador di ‘Poeta di Patria’ di 2021cu e poema ‘Nos Lenga’ cual tabata un creacion di nos idioma pa comunica cu otro.   Sergio Winterdal kende a keda na di tercer lugar  cu e poema titula ‘Mi Sanger’ cu a tabata un inspiracion di e indjannan di temponan aya.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options