Evento organisa pa e Grupo Nucleo en conexion cu Dia Internacional di Adultonan Mayor

ORANJESTAD - Riba 1 di october 2021, Prome Minister Evelyn Wever-Croes y Minister Ursell Arends tawata presente na Cas di Cultura pa e evento organisa pa e Grupo Nucleo en conexion cu Dia Internacional di Adultonan Mayor.

Discurso Prome Minister Evelyn Wever-Croes durante evento organisa pa e Grupo Nucleo en conexion cu Dia Internacional di Adultonan Mayor.Un bunita iniciativa cu e titulo ‘Intercambio cultural entre generacionnan’ na unda gruponan 60+, nan yiu y nietonan a subi escenario y duna nan bunita presentacionnan den canto, baile y comedia entre otro.

Na e ocasion, Prome Minister y Minister di Asuntonan di Adultonan Mayor, Ursell Arends a hiba palabra na unda ambos a gradici nos grandinan pa e trabounan cu nan a haci pa desaroyo di nos pais.

Evento organisa pa e Grupo Nucleo en conexion cu Dia Internacional di Adultonan Mayor.Gobierno di Aruba a decreta october como luna di Adulto Mayor na Aruba na unda lo duna cu atencion na e personanan den nos comunidad cu a construi nos pais pa awe nos tur por gosa di dje.

Den su discurso na e ocasion aki, Prome Minister a enfatisa e balor di famia cu nos Adultonan Mayor a inculca den nos Sociedad.

Prome Minister a gradici di curason cada un di nos adultonan mayor pa tur loke nan a haci y ta haciendo ainda pa Aruba. Premier a gradici tambe Grupo Nucleo pa e invitacion pa comparti un momento hopi ameno den presencia di nos adultonan mayor cu tawata presente.

Evento organisa pa e Grupo Nucleo en conexion cu Dia Internacional di Adultonan Mayor.  Evento organisa pa e Grupo Nucleo en conexion cu Dia Internacional di Adultonan Mayor.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options