Estreno documentario ‘Dande di Aruba’

ORANJESTAD - Na Principal Theater, den centro di San Nicolas, fundacion Mi Cutisa a organisa e estreno di e documentario ‘Dande di Aruba’.

Un bunita documentario cu ta conta e tradicion unico aki cu nos tin aki na Aruba durante e temporada di fin di aña.

Estreno documentario Dande di ArubaEstreno documentario Dande di Aruba‘Dande di Aruba’ ta un documentario cu ta conta e storia di e origen di Dande, un tradicion cu nos conoce di semper y cu su origen ainda ta topico di discusion.

Gobierno di Aruba por medio di e fondonan di 'Gemeenschapelijk Bijdrage' di Ministerio di Desaroyo Teritorial, Infrastructura y Medio Ambiente, a contribui pa realisa e proyecto aki cu ta conserva nos herencia cultural.

Durante e ocasion special aki, minister di Cultura, Xiomara Maduro, tabata presente y a hiba palabra gradiciendo Fundacion Mi Cutisa, e crew y famia di e cineasta Cindy Kerseborn den feliz memoria, Sherman de Jesus di Memphis Features y tur instancia y boluntario cu a yuda realisa e documentario importante aki pa cultura di nos Pais y na bienestar di nos tur.

‘Danki na tur esnan cu a mira e importancia di un documentario di nos tradicion di Dande. Danki pa kere den Aruba.’ tabata palabranan di Minister Maduro pa cu e ocasion aki.

Estreno documentario Dande di Aruba   Estreno documentario Dande di Aruba

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options