E curso di Horticultura ta un colaboracion entre Enseñansa pa Empleo y Santa Rosa. Sra. Sabine de Groot den nomber di EPE y di Minister Glenbert Croes, a entrega na cada graduado su certificado.
E curso ta parti den 2 parti, cual ta teoria y practica.
Ambos curso a tuma luga na Santa Rosa y pa practica a bishita diferente sitio di agricultura y plantacion.
E teoria ta pa siña e cursistanan e mihor tecnica pa planta y cultiva, mientras e practica ta pa realmente siña planta, explora e diferente tecnicanan y tambe diferente tera di cunucu y pa cual producto e tera ta apto.
“Nos ta sumamente contento y orguyoso cu e grupo a logra nan meta di completa e curso aki cu exito y nos ta spera cu tin mas interes pa sigui cu e curso di horticultura cu por bira un pilar importante den economia di Aruba”, Minister di Labor, Energia y Integracion Glenbert Croes a expresa.
E siguiente curso lo inicia dia 3 di april proximo. Si ta interesa por yama EPE libremente na 5825662. Bishita e website di www.epearuba.com of via facebook @Enseñansa pa Empleo.
Share this page