Entrega premionan na ganadonan di concurso di pintamento ‘Stima bo cacho’

Esaki tabata un concurso di pintamento hopi exitoso na unda a entrega un total di 409 pintura di 29 scol a participa. Nos muchanan a mustra no solamente nan talento sino tambe nan sentimento bunita pa nan mascota atrabes di pintura.

Apesar cu tawata dificil pa saca e mihonan, Petit Comité, e comision encarga cu e Plan Nacional cu ta atende cu e problematica di cacho riba caya, y  organisado di e concurso di pintamento, a saca 12 ganado:

• Ashwary Haniff;
• Torunn Jiao;
• Alfonso Blanco;
• Jahmar Fingal;
• Amir Angela;
• Azea Stooter;
• Jouelle Farro;
• Angelina Almary;
• Serena Morrison;
• Aryana Baroud;
• Maria Teresa Rodriguez;
• Gerwayne Marval.

Prome Minister Evelyn Wever-Croes a ricibi e ganadonan y nan mayor hunto cu Minister Glenbert Croes, Minister Andin Bikker y Minister Rudy Lampe. Na e ocasion, Prome Minister a gradici Petit Comité pa e proyecto bunita aki pa conscientisa tanto mucha  como mayor riba cuido di nos cachonan y cu e responsabilidad ta di nos tur y di tur cu dicidi pa tin un cacho como mascota. Tambe Prome Minister a gradici cada mucha y mayor presente.

Muchanan a haya hunto cu un regalito, nan pintura poni den un bunita leishi pa asina nan tin’e como recuerdo di e prome concurso di pintura pa trece conscientisacion riba cuido di cacho.

Prome Minister a encurasha e Petit Comité pa sigui cu proyectonan bunita asina pa nos muchanan.