Entrega oficial di un Decreto Real (Koninklijk Besluit) na dos marinier Arubano y audiencia cu señor Van Beekhuizen

ORANJESTAD - Gobernador di Aruba, Su Excelencia Alfonso Boekhoudt, riba 19 di mei 2021 a haci entrega oficial di un Decreto Real (Koninklijk Besluit) na dos marinier Arubano na honor di nan promocion na Marinierskazerne na Savaneta.

E entrega a tuma luga na Cas Ceremonial di Gobernador. LTKOLMARNS Art van Beekhuizen, Comandante di Marinierskazerne, tambe tabata presente na e ocasion aki.

Richard F. Kelly a ricibi su Decreto Real for di Gobernador di Aruba, S.E. Alfonso Boekhoudt, den cuadro di su promocion cerca e personal militar di Aruba di ‘eerste luitenant der mariniers van Aruba’ (ELNTMARNAR) pa ‘kapitein der mariniers van Aruba’ (KAPTMARNAR). Richard F. Kelly a ricibi su Decreto Real den cuadro di su promocion cerca e personal militar di Aruba di ‘eerste luitenant der mariniers van Aruba’ (ELNTMARNAR) pa ‘kapitein der mariniers van Aruba’ (KAPTMARNAR).

Daniel M. Vrolijk a ricibi su Decreto Real for di Gobernador di Aruba, S.E. Alfonso Boekhoudt, den cuadro di su nombracion como officier cerca e personal militar di Aruba den e rango di ‘tweede luitenant der mariniers van Aruba’ (TLNTMARNAR).Daniel M. Vrolijk a ricibi su Decreto Real, den cuadro di su nombracion como officier cerca e personal militar di Aruba den e rango di ‘tweede luitenant der mariniers van Aruba’ (TLNTMARNAR).

Despues di e entrega oficial, Gobernador di Aruba a tene un audiencia cu señor Van Beekhuizen.

Durante e audiencia, Gobernador a haya informacion riba diferente topico, entre nan e trayectonan di Profesionalisacion di Milisia Caribense, como tambe di Formacion Social.  

Potret: © Cabinete Gobernador di Aruba

Gobernador di Aruba S.E. Alfonso Boekhoudt a tene un audiencia cu Comandante di Marinierskazerne, señor Art van Beekhuizen na Cas Ceremonial di Gobernador.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options