Entrega formulario Registro di Personal 2019-2020

Dit item is gearchiveerd op 12-03-2020.

ORANJESTAD – Departamento di Labor (DAO) ta pidi tur negoshi pa entrega nan  registro di personal durante e periodo 15 februari 2020 te cu 30 april 2020.

Segun articulo 30 di Ley di Labor 2013 (Arbeidsverordening 2013) e dunado di trabou ta obliga di entrega e registro di personal na Departamento di Labor (DAO).

Registro di PersonalE registro di personal ta consisti di tres parti:

  • Modelo 1A e personal actual manera registra na december 2019;
  • Modelo 1B e necesidad pa personal pa 2020 
  • Modelo 1B y e necesidad di personal pa cada proyecto specifico den 2020

Adhunto por haya e formulario necesario.

E aña aki e unico forma cu por entrega e Registro di Personal ta den e forma digital. Tambe por haci un peticion via via e-mail adres aanvraagpr@gmail.com y DAO lo mail bo e formulario

DAO ta haci un peticion pa hinca e datonan den e formulario digital, segun e modelo stipula pa ley  y manda nos esaki na e e-mail adres arbeidsmarktaruba@gmail.com.

Den caso cu bo compania tin un of mas sucursal, DAO ta haci un peticion pa yena e Registro di Personal no solamente pa e oficina principal (hoofdvestiging) (p.e. kvk-nummer 5555.0) pero tambe pa cada sucursal/ filiaal (p.e. kvk-nummer 5555.1, 5555.2 etc.).  Tambe ta pidi pa indica cua trahado ta rouleer door di pone un strea (*) den kolom patras di e kolom “No.” ariba e formulario digital.

DAO a informa cu ta obligatorio pa yena tur 3 modelo. Den caso cu no tin necesidad pa personal of necesidad pa personal pa cada proyecto specifico pa 2020, ta yena nihil ariba modelo 1B y modelo 1C.

DAO lo manda bo via un e-mail un comprobante cu a ricibi bo formulario di Registro di Personal 2018-2019. Tene cuenta c’e comprobante di entrega no ta implica aprobacion d’e Registro di Personal 2018-2019. DAO lo duna durante aña 2019 aprobacion of desaprobacion d’e Registro di Personal 2018-2019.

Tene na cuenta cu entrega d’e Registro di personal 2019-2020 ta obligatorio den e periodo di 15 februari 2020 te cu 30 april 2020.  Despues di e periodo di entrega aki DAO lo por aplica un sancion administrativo di Awg. 5000,-pa incumplimento cu entrega di e Registro di Personal.

Pa companíanan cu ta haci uso di un intermediario (p.e. accountings- of adviesbureau) DAO kier recorda cu cumplimento di nos leynan laboral ta un obligacion di e dunado di trabou y no di e intermediario.

Si tin mas pregunta tocante e Registro di personal por tuma contacto cu Sra. Louisetty Croes na 5237722 of via email louisetty.croes@aruba.gov.aw of cu un funcionario di Bureau Arbeidsmarktonderzoek na 5237720.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options