Entrega formulario Lista di personal 2011 (gearchiveerd)

E base legal riba cual Departamento di Labor y Investigacion ta pidi e lista di personal anualmente cerca e dunado di trabou ta articulo 3, prome inciso na punto c di Ley di Oficina di Labor (Arbeidsbureauverordening, AB 1989 GT no. 6).
Departamento di Labor y Investigacion kier enfatisa cu a agrega un espacio adicional (e relacion laboral) riba e formulario y cu tur espacio ariba e formulario mester ta yena completamente. Si ta entrega e datonan pidi den forma digital (excel) via CD-rom of USB-stick, mester entrega e formulario original tambe, firma pa e Director di e compania of un apoderado di e compania. Esaki ta pa e dunado di trabou haya un stempel como comprobante di entrega y di aprobacion di e formulario.
E formulario di lista di personal ta disponibel na oficina di Departamento di Labor y Investigacion y tambe por download e for di e website www.overheid.aw of www.gobierno.aw.
Localidad di entrega ta na e recepcion di Departamento di Labor y Investigacion situa na e di tres piso, na L.G. Smith Blvd 134. Orario ta di dialuna te cu diabierna di 8 or di mainta pa 12 or di merdia y atardi di 1 or pa 4 or.