Entrega e buki BaluArte na Conseho di Minister

ORANJESTAD - Recientemente Minister Xiomara Maduro a entrega e buki BaluArte na Conseho di Minister di Aruba.

BaluArte ta un buki cu ta documenta historia di persona y organisacion cu a duna un contribucion significante na desaroyo di cultura den e ultimo 65 aña na Aruba.

Buki BaluArteDocumentacion di nos pilarnan cultural

Minister di Finansa, Asunto Economico y Cultura y e buki BaluArteBaluArte ta un buki cu ta contene informacion di nos pilarnan cultural, entre otro, tin informacion di e autornan di nos Himno di Aruba Sr. Padu Lampe, Sr. Rufo Wever y Sr. Hubert Booi. Tin varios artista cu ta nos pilarnan cultural cu tambe ta comparti nan historia den e buki y cada articulo ta acompaña pa un cantidad di potret cu ta hiba nos bek den tempo. Asina nos ta haya e historia di Sra. Bernadina Growell, Sra. Maybelline Arends-Croes, Sr. Jossy Brokke y Sr. Robert Jeand'or pa menciona algun. BaluArte ta contene tambe e historia di algun organisacion no gubernamental cu tin hopi aña trahando riba tereno di cultura, manera Cas di Cultura, Scol di Musica Rufo Wever y UNOCA.

BaluArte ta na benta

E buki BaluArte ta un bunita buki di calidad halto cu  ta na benta na UNOCA, Cas di Cultura, De Wit & Van Dorp Stores y Plaza Bookshop pa e suma di 55 florin. BaluArte ta un bunita regalo pa tur cu ta biba y aprecia cultura di Aruba. 

Entrega e buki BaluArte na Conseho di Minister   Prome Minister mr. Evelyn Wever-Croes ta blader door di e buki BaluArte   Entrega e buki BaluArte na Conseho di Minister

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options