Entrega di lista politico

Dit item is gearchiveerd op 16-05-2021.

ORANJESTAD  - Conforme articulo 16 inciso 4 Ordenansa Electoral, e Presidente di Hoofdstembureau ta participa cu entregamento di lista pa e partidonan politico lo tuma lugar diabierna 7 mei 2021.

Por haci esaki den dos manera:

  1. Via digital entre 09:00 ‘or te 16:00 ‘or.
  2. Traha un afspraak pa haya un cita entre 09:00 ‘or te 16:00 ‘or pa entrega di e lista personalmente. E apoderado  di e partido politico hunto cu 1 candidato riba e lista por ta presente pa e entrega.

Via digital:

Por download e formularionan cu mester wordo yena y manda dia di entrega di lista:

Esaki mester wordo manda dia 7 di mei 2021 entre 09:00 ‘or te 16:00 ‘or via email: verkiezingen2021@censo.aw

Hunto cu e lista di candidato mester manda, segun articulo 19 jo. 20 Ordenansa Electoral, lo siguiente:

  1. Declaracion individual di cada candidato cu nan ta bay di acuerdo cu ponemento di nan nomber ariba lista di candidato;
  2. Comprobante di pago na Departamento di Finansas di un suma di Afl. 1.000,-;
  3. Un pasfoto blanco cu preto di 4 pa 6 cm, dunando un bista claro y igual di e candidato postula mas halto ariba e lista di e partido, si acaso esaki wordo uza riba e stembiljet;
  4. E declaración di e color escohi acaso si esaki wordo uza riba e stembiljet.

Via afspraak pa entrega personal

Por haci afspraak entre 26 april 2021 te cu 3 mei 2021 via email: verkiezingen2021@censo.aw. Via email lo duna un orario pa presenta. E apoderado di e partido político hunto cu 1 candidato riba e lista por ta presente na dia di entrega, riba e orario  cu e afspraak a wordo stipula. E entrega lo sosode na Stadhuis, Schoolstraat 2.

Hunto cu e lista mester entrega segun articulo 19 jo. 20 Ordenansa Electoral, lo siguiente:

  1. Declaracion individual di cada candidato cu nan ta bay di acuerdo cu ponemento di nan nomber ariba lista di candidato;
  2. Comprobante di pago na Departamento di Finansas di un suma di Afl. 1.000,-;
  3. Un pasfoto blanco cu preto di 4 pa 6 cm, dunando un bista claro y igual di e candidato postula mas halto ariba e lista di e partido, si acaso esaki wordo uza riba e stembiljet;
  4. E declaracion di e color escogi acaso si esaki wordo uza riba e stembiljet.

E apoderado di cada partido politico, cu pa Hoofdstembureau ta conoci cu lo participa na e eleccion 2021, lo ricibi un carta di Hoofdstembureau den cual lo menciona detayadamente locual a wordo describi den e anuncio aki. 

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options