E proceso di produci microfilms a sosode na 2004, tempo cu BNA a manda e corantnan ‘El Despertador’ y ‘Arubaansche Courant’ pa KARMAC na Hulanda. Awor nan a digitalisa e microfilms cu nan tabatin warda. E dos representantenan di KARMAC ta sra. Nadine Jongeneelen Swaan y sr. Ran Siderius.
Esaki tabta un proyecto hunto cu Koninklijke Bibliotheek cu fondo di Participation Programme di UNESCO.
Actualmente sra. Nadine Jongeneelen Swaan y sr. Ran Siderius ta trahando na Aruba yudando entre otro Oficina di REgistro Civil (Censo), Departamento Recurso Humano cu nan dossiernan digital. Aña pasa durante un encuentro a puntra representantenan di KARMAC, si por sigui cu e proyecto di microfilms di e corantnan ya menciona. Y pa uza copia di e microfilms pa digitalisa pa evita transporta e corantnan atrobe. Esaki aparentemente tabata posibel y e represenantenan di KARMAC a entrega un harddrive na sra. Des Croes y sr. Peter Scholing di Dept. Arubiana.
Departmento Arubiana ta den palabracion cu Koninklijk bibliotheek (KB) pa inclui e corantnan den Delpher, e databank online di KB. Pero tin mas opcion. E siguiente pasonan ta pa pone nan disponibel online mas lihe cu ta posibel.
Share this page