Entrante 8 di october biahero nan di Hulanda y Brasil no tin cu haci pcr test, solamente uzando certificado di vacuna

ORANJESTAD – Crisis-Team ta informa cu entrante 8 di october 2021, ta kita algun pais, entre nan Hulanda y Brazil, for di e lista di paisnan cu ta di risico halto pa COVID-19.

Bandera di BrasilBandera di HulandaEsaki ta encera cu desde e fecha aki, residentenan di Aruba cu ta vacuna completo por biaha bin bek for di Hulanda of Brazil cu nan certificado di vacuna. Nan pues no tin mester haci un PCR test pa por drenta Aruba. E certificado di vacuna mester ta uno emiti door di Departamento di Salud Publico DVG y e biahero mester warda 14 dia despues di e ultimo prik pa e por biaha bin bek Aruba. Turistanan biahando pa Aruba for di e paisnan aki por drenta sin tin cu haci un PCR test. E turista lo mester “upload” su EU digital corona certificate (DCC) den version di PDF riba e plataforma di ED online. DVG lo revisa e certificado y si esaki keda aproba, e turista lo por biaha libremente pa Aruba.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options