Desde e momento ey cada mucha mester tin su propio paspoort pa e por biaha for di Aruba. E agregacion existente di e muchanan den e paspoort lo caduca automaticamente dia 26 di juni 2012. Desde e momento ey no por haci un peticion mas pa agregacion. Locual ta e paspoort di e mayor mes, esaki si lo keda valido segun e fecha di validez.
Na 2009 a cambia e Ley Europeo tocante exigencia di normanan, siguridad y biometria di paspoort den e paisnan miembro Estado Europeo. E ley aki ta duna e obligacion di e principio di ”un persona pa cada paspoort”. Parlamento di Hulanda (1ste y 2de Kamer) a bay di acuerdo cu e cambionan y a introduci e normanan den ley di paspoort di Reino Hulandes. E cambio ta valido pa tur pais den Reino Hulandes.
Pa mas informacion por consulta e pagina web:
www.bprbzk.nl/reisdocumenten/kinderbijschrijving
Share this page