Entrante 13 di maart 2022 adaptacion di e check-in time pa tur colornan di cada grupo

A haci adaptacionnan nobo mirando cu e orario na Merca lo cambia (daylight savings time) entrante 13 di maart, 2022:

• Orario pa check-in pa e grupo cu color GEEL pa check-in ta entre 08:00 – 11:00 hrs (8AM – 11AM);
• Orario pa check-in pa e grupo den e color BLAUW tambe a adapta y awor e grupo ey lo wordo permiti pa check-in entre 11:00 y 13:00 hrs (11AM y 1 PM);
• Color ORANJE a wordo cambia di entre 13:00 hrs – 15:00 hrs (1PM – 3 PM).

E concepto di Passenger Flow Control ta encera lo permiti pasaheronan pa drenta e check-in terminal basa riba gruponan separa cu nan codigo di color (Geel, Blauw y Oranje) cu a   determina a base di e orario di salida di e vuelonan. Pasaheronan lo haya un tempo pre-determina pa drenta e check-in terminal manera indica den e tabel aki bou.

E tempo pre-determina aki lo wordo determina pa bishitantenan basa riba e informashon cu nan indica den e ED (Electronic Disembarkation) Card na yegada. Aki e orario di vuelo di salida lo mester wordo indica. Residentenan biahando for di Aruba pa Merca lo mester wak e orario di e salida di nan buelo pa determina ki ora nan lo ta permiti pa cuminsa e proceso di check-in (no mas prome cu 3 ora prome cu e vuelo sali). AUA Airport lo tin embahadornan trahando na e terminal di check-in Mericano pa activamente controla e tempo pre-determina pa check in pa cada pasahero. Pasaheronan cu yega mucho trempan lo mester warda pafo pa por drenta ora nan orario yega.