Entrante 1 di juni 2021, na momento cu ta bolbe di viahe, pasaheronan local ya vacuna no mester haci PCR test pa drenta Aruba

ORANJESTAD  - Manera anuncia previamente, entrante 1 juni 2021, pasaheronan cu ta residente di Aruba lo ta exonera di haci un PCR test pa drenta Aruba ora di bolbe for di exterior.

Importante pa señala ta cu; e ta conta solamente pa pasaheronan cu ta cumpli cu e siguiente tres rekisitonan:

  • Ta residente di Aruba,
  • Ta registra na AZV,
  • A ser vacuna na Aruba y a ricibi su certificado di vacunacion mas cu 14 dia prome cu e biahe bek pa Aruba.

Pasaheronan cu ta desea di haci uzo di e posibilidad aki tin cu indica esaki nan momento di registra via e online ED card system. Tin cu yena e online ED card system dentro di 72 ora prome cu e biahe di regreso pa Aruba. Ta recorda e pasaheronan aki pa durante nan yegada na Aruba, tin nan certificado di vacunacion digitalmente disponibel riba e Aruba Health App y tambe un hardcopy como backup.

PCR-test – online ED-card (https://edcardaruba.aw).

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options