Entrante 1 di december 2022 mester haci tur cita pa servicio nan di DPL online riba www.dpl.aw

DPL tin diferente departamento nan manera:

• Afdeling Arbeidsmarktregistratie (AMR);
• Afdeling Arbeidsbemiddeling en Re-integratie (Jobcenter);
• Afdeling Advies Toelating Arbeidsmarkt (Toelating);
• Afdeling Bedrijfscontrole (ta haci control di/na companianan).

Ta asina cu e departamento nan manera AMR, Jobcenter y Toelating ta traha cu cita pa asina por garantisa un servicio mas optimal na tur cliente. Esaki semper a sosode pa medio di email, awo DPL ta asina leu cu su website a keda completamente renoba y modernisa.

Entrante 1 di december 2022, por haci un cita cu un di e departamento nan aki unicamente via e website, riba e website por selecta e dia y orario cu ta desea y/of cu ta disponibel ainda. Ta urgi tur dunador di trabao y/of nan representante nan pa tuma bon nota di e cambio importante aki. Ta sumamente importante pa haci bo cita na tempo y tambe mester cumpli cu tur e rekisitonan di cada departamento na momento di acudi na DPL su cita. Esnan cu no presenta na e orario/fecha di nan cita lo mester traha un cita nobo.

Pa cualkier otro informacion adicional por tuma contacto libremente cu DPL na; 5215555.