Encuesta pa consumidor relaciona cu e ley prohibicion productonan dañino pa medio ambiente y uzo di plastic di un solo uzo

ORANJESTAD - Directie Natuur en Milieu (DNM) ta conduci un encuesta tocante uzo di productonan di plastic cu ta cualifica di ta di un solo uzo.

Na 2019, Aruba a aproba e ley prohibicion di productonan daniño pa medio ambiente (AB 2019no.67). E ley aki a drenta na vigor dia 1 di juli 2020. Ta di sumo importancia pa DNM logra colecta data como base pa evalua e introduccion, pa asina yuda conscientisa efectivamente y evalua efectividad di e ley. P’esey ta haci yamada na comunidad pa yena e encuesta. DNM a scoge pa haci e encuesta na dos idioma. Bo por haci bo escogencia.

https://bit.ly/2RcjX7D pa papiamento

https://bit.ly/2ZgI4H1 pa ingles

Algun di e topiconan cu por encontra den e encuesta ta relaciona cu nos medio ambiente manera: cambio di clima, desperdicio di plastic, polucion, desperdicio di cuminda, uzo di tasnan reusabel y mucho mas. Pero tambe ta encera comportacion di hende, cua tipo di productonan ta wordo cumpra, tambe uzo di producto di plastic den bo bida diario.

DNM ta recomenda tur persona pa repasa e ley cu ta yama prohibicion di producto daniño pa medio ambiente/ verbod op bepaalde voor het milieu schadelijke producten, asina bo tambe por haci e cambionan necesario, manera ancra den ley (AB2019no.67).

DNM ta spera di haya colaboracion masal cu e encuesta. Ta recomenda comparti e link cu amigonan y famia pa nos logra e proposito.

Ad encuesta pa consumidor relaciona cu e ley prohibicion productonan dañino pa medio ambiente y uzo di plastic di un solo uzo

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options