Encuesta di e impacto di COVID-19 riba nos recien graduadonan

ORANJESTAD - Departamento di Labor y Investigacion (DAO) den colaboracion cu studiantenan di Facultad di Organization, Governance and Management (OGM) di Universidad di Aruba (UA) ta pidi cooperacion pa participa den nos encuesta.

E encuesta lo ta habri for di 25 mei 2021 te cu 11 juni 2021. COVID-19 ta un pandemia cu afecta henter mundo. E pandemia no a solamente haci impacto den e area di salud pero tambe a afecta Aruba su economia y mercado laboral. Pa es motibo DAO conhuntamente cu studiantenan di UA ta investigando e impacto di COVID-19 riba e mercado laboral pa loke ta trata e graduadonan di aña escolar 2018-2019 y aña escolar 2019-2020.

Con pa participa?

E encuesta ta pa studiantenan cu a gradua durante e anja escolar 2018-2019 of aña escolar 2019-2020 y cu ta interesa pa subi mercado laboral di Aruba. Bo ta cordialmente invita pa yena e encuesta aki si bo a gradua na Aruba of den exterior y si bo ta interesa pa drenta mercado laboral di Aruba. E encuesta ta completamente anonimo y lo wordo uza e resultadonan pa e investigacion aki solamente. Pa yena e encuesta, copia e link aki den bo browser of Ctrl+Click riba e link aki: https://forms.gle/FtjgeC8pxDDbef6v7

Si bo persona ta cumpli cu e rekisito ariba menciona, nos ta encurasha bo persona pa participa door di yena e encuesta aki. Nos kier a gradici bo persona di antemano pa bo cooperacion. Pa mas informacion of si bo tin un pregunta, por tuma contacto cu Bureau Arbeidsmarktonderzoek di DAO na number di telefon 5237718 of manda un email pa simon.brete@aruba.gov.aw of survey2021graduates@gmail.com.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options