E tema di Dia Mundial di Salud 2022 ta “Nos planeta, nos salud”

E aña aki, WHO (Organisacion Mundial di Salud) ta dirigi e atencion mundial na e interconexion entre nos planeta y nos salud.

WHO ta calcula cu cada aña tin mas cu 13 miyon morto prevenibel rond mundo causa pa nos medio ambiente. Esaki ta inclui crisis climatico, cu ta e menasa pa salud mas grandi cu humanidad ta enfrenta. E crisis climatico tambe ta un crisis di salud.

E campaña di WHO cu ta lansa awe ta urgi cada persona, comunidad, gobierno y organisacion rond di mundo pa comparti su historianan tocante e medidanan cu ta adoptando pa proteha nos planeta y nos salud.

Deartamento di Salud Publico ta pidi pa ban uni nos mes, na Aruba, na e iniciativa aki pa cuida nos isla cu tur su recursonan natural y proteha nos ecosistema.

Mas informacion riba e e tema di Dia Mundial di Salud 2022 por haya riba e website di WHO.