E prome 12 personanan di Aruba a keda vacuna contra COVID-19

ORANJESTAD – Riba 17 di februari, 2021, na Club Don Bosco na Noord a duna inicio na e programa di ehecucion di vacunacion.

Inicio COVID-19 vacunacion riba 17 di februari, 2021 na Club Don Bosco na Noord. Manera ya ta conoci diamars Aruba a ricibi 11700 vacuna di Pfizer for di Hulanda. E meta di Gobierno ta pa vacuna 85% di e poblacion prome cu e temporada di horcan cuminsa. Riba e prome dia a duna vacuna na 10 personahe di Aruba, cu ta cay den e grupo di riesgo. Tambe 2 enfermera cu ta traha den cuido a ricibi e vacuna riba e prome dia.

Inicio COVID-19 vacunacion riba 17 di februari, 2021 na Club Don Bosco na Noord. Minister Oduber a declara cu riba e mesun dia despues di Club Don Bosco lo bay duna vacuna na e personal di Hospital Dr Horacio E.  Oduber (HOH) na hospital mes. Diahuebs 18 di februari 2021 lo sigui cu e vacunacion na personal di HOH, ImSan y DVG, diabierna lo continua na HOH y ImSan un biaha mas. Pa diasabra e intencion ta pa duna e vacuna na tur e dokternan di cas na Santa Theresita Center na San Nicolas. Diadomingo lo tin e intencion di bay vacuna e resto di e trahadornan den cuido..Dialuna dia 22 di februari segun e plan di ehecucion lo bay habri 2 localidad pa vacuna e grupo di 60+. Lo habri Centro Libertador Betico Croes na Santa Cruz y tambe Santa Teresita na San Nicolas. Entrante 1 maart 2021 tur 4 localidad lo ta habri y den e dianan cu ta sigui nos lo sigui mantene communidad informa.

Inicio COVID-19 vacunacion riba 17 di februari, 2021 na Club Don Bosco na Noord. E localidad cu lo uza pa duna e vacuna ta:

  • Club Don Bosco na Noord;
  • JFK Education Center na Oranjestad;
  • Centro Libertador Betico Croes na Santa Cruz;
  • Santa Therisita Center na San Nicolas.

Inicio COVID-19 vacunacion riba 17 di februari, 2021 na Club Don Bosco na Noord. Personahenan y enfermeranan cu a ricibi e vacuna riba e prome dia ta:

  1. Dr. Kelvin Cayama - risk group;
  2. Ruben Garcia-60 +;
  3. Jacky Wernet - risk group;
  4. Jossy Lacle-60 +;
  5. Siomara Everon - risk group;
  6. Dr. Joaquin van Trigt – GP;
  7. Dr. Dhyani Giel -;
  8. Ronchi de Cuba - risk group;
  9. Pastor Toti-60 +;
  10. Olindo Koolman-60 + ex-Gobernador;
  11. Emira Rodriguez-Tromp (Miss Antje) -60 +;
  12. Jourraine Halabi-Figaroa - Enfermera HOH;

Inicio COVID-19 vacunacion riba 17 di februari, 2021 na Club Don Bosco na Noord. E vacuna ta di vital importancia pa cada un di nos cu ta biba riba e pais aki, e lo:

  1. ​Proteha nos mesun salud;
  2. Lo scapa bida di hende;
  3. Lo crea imunidad;
  4. Lo percura pa recupera nos turismo y cuminsa bolbe bek poco na normalidad.

Inicio COVID-19 vacunacion riba 17 di februari, 2021 na Club Don Bosco na Noord. Minister di Turismo, Salud Publico y Deporte, Dangui Oduber, cua preencia e prome vacunación, ta haci un yamada na pueblo di Aruba pa registra pa vacuna riba e Aruba Health App of na e 4 MFA nan na Aruba. Minister a menciona cu ya caba 11 mil hende a registra pa ricibi e vacuna. E vacuna ta e unico manera cu tin pa combati COVID-19 pa asina sali for di e pandemia aki. Aruba, ban vacuna, ban cuida nos mes, ban proteha nos mes, ban salba bida y percura pa nos por recupera nos turismo y economia bek.

Minister Dangui Oduber a gradici Gobierno Hulandes, Gabinete Wever-Croes, Ministerio di Turismo, Salud Publico y Deporte, BRA, DOW, IVA, VDA, KPA, Douane y Setar. Finalmente e mandatario a gradici henter e team di DVG y specialmente e team di Directie Besmettelijke Ziekten (DBZ) cu ta esun encarga pa duna e vacuna. Aruba ta conta cubo, den paz, union y harmonia nos lo vence e pandemia aki.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options