E importancia di educacion na un nivel adecua ta un meta comun di Aruba y Hulanda

ORANJESTAD - Den cuadro di ayudo financiero (Landspakket) entre Aruba y Hulanda, un di e palabracionnan ta evaluacion (doorlichting) di nos sistema di enseñansa.

Ministerio di Educacion, Ciencia y Desaroyo Sostenibel a bay di acuerdo cu e palabracion aki y tambe ta duna cooperacion pa sigui desaroya, fortifica y innova e sistema di educacion di Aruba.

Motibo pa inclui un palabracion encuanto enseñansa den landspakket

Importancia di educacion na un nivel adecua ta un meta comun di Aruba y Hulanda. Den e Landspakket ta indica cu tin varios faceta di enseñansa na Aruba cu no ta cana bon.

Kaft Agenda di ehecucion (Uitvoeringsagenda) landspakket 1 februari - 1 april 2021Ta menciona entre otro:

  • Nivel di maneho di scolnan cu no ta consistente;
  • un falta di conexcion entre sector laboral y enseñansa;
  • falta di metodonan di educacion moderno;
  • poco espacio den e presupuesto pa haci reformanan y/of innovacion posibel.

Metanan a largo plaso di e doorlichting:

  1. Pa realisa un nivel adecua (basiskwaliteit)di educacion na Aruba;
  2. pa realisa un conexion solido entre sector priva/laboral y sistema di educacion;
  3. pa percura cu lo por sigui enseñansa avansa den diferente sistema di educacion (entre otro na Hulanda).

Instrumento

E instrumento cu lo uza pa e doorlichting ta un investigacion riba nivel macro di nos sistema di enseñansa. A palabra cu e investigacion lo concentra riba e sistema di maneho den enseñansa ‘governance’ y tambe riba calidad di e sistema. E investigacion lo mester start na maart 2021.

Cua instancianan ta investiga?

Temanan di e Agenda di Ehecucion di Landspakket 1 februari  - 1 april 2021.Como cu ta un investigacion riba nivel macro, e ta inclui tur stakeholders cu ta parti di e sistema di enseñansa. Den e prome fase di lo concentra primeramente riba investigacionnan existente y e expertonan na Aruba lo valida e resultado.di esaki. Aki ta referi na investigación di entre otro e temanan manera:

  • Proceso di subsidio\ contenido di maneho;
  • control y supervision;
  • idioma den enseñansa;
  • resultado di studiantenan na Aruba y den exterior;
  • calidad di enseñansa en general.

Ken ta haci e investigacion ?

Segun palabracion e team cu lo ta encarga cu investigacion lo un team cu ta consisti di persona di Aruba y otro paisnan den Reino como miembro.

Kico ta spera di e resultadonan ?

E resultadonan mester duna bista riba e direccion cu nos enseñansa mester bay den e proximo decadanan teniendo cuenta cu loke ta sostenibel y financiabel door di Pais Aruba. E impacto di e sistema di eseñansa riba nos sociedad no por mira di biaha, p’esey ta papia di inversion den enseñansa. Pa e motibo aki mes no por prepara hobennan pa loke nos conoce awor como sociedad, pero pa loke e sociedad lo bira den futuro.

Por haya mas informacion bou di e tema G di e Agenda di Ehecucion di Landspakket 1 februari  - 1 april 2021

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options