E di cuater agenda di ehecucion pa 2021 a keda aproba entre Aruba y Hulanda

ORANJESTAD - Un bes mas Aruba y Hulanda oficialmente a acorda e contenido di e Agenda di Ehecucion pa 2021 relaciona cu e trayecto di Landspakket di Aruba.

Esaki a tuma luga den forma digital entre Secterario di Estado Raymond Knops y Minister-President di Aruba Sra. Evelyn Wever-Croes.

E Agenda di Ehecucion ta e di cuater agenda y e delastro pa aña 2021. Aruba a demostra cu, no obstante e intensidad di e trabounan y retonan, nos pais ta cumpliendo cu un di e condicionnan esencial. Minister-President ta manda un palabra di gradicimento pa tur profesional cu a traha dia y nochi pa logra e meta aki. Aruba por ta orguyoso di su ekipo local.

Por observa den e di cuater Agenda di Ehecucion pa 2021 cu varios investigacion a inicia of lo yega na nan conclusion. Durante e periodo aki a tene y lo ta teniendo varios ronda di consulta cu actornan clave. Esaki a base di colaboracion entre e ekipo di Aruba y Hulanda. Por indica tambe cu e informacion duna den e Agenda di Ehecucion ta un resumen di e totalidad di trabounan haci y tin como meta informa comunidad di e trayecto andando. 

Den aña 2022 e trabounan lo sigui y asina lo ta trahando riba e prome Agenda di Ehecucion pa e aña ey.

E Agenda di Ehecucion ta un documento cu lo refina continuamente. Esaki lo tuma luga den colaboracion estrecho entre paisnan.

E di cuater Agenda di Ehecucion pa 2021

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options