E check-in time recomenda pa vuelonan pa Merca ta keda 3 ora adelanta

ORANJESTAD – Desde diamars dia 13 di september 2022 acceso pa pasaheronan cu destinacion pa Merca lo no ta mara mas na e codigonan di color bou di e “Passenger Flow Control”, cu a introduci na e proceso pa check-in desde aña pasa.

Ta urgi y recomenda tur pasahero riba vuelonan cu destinacion pa Merca pa yega aeropuerto por lo menos 3 ora prome cu e ora di salida di e vuelo cu cual e pasahero lo biaha pa Merca. Pa otro destinacionnan e recomendacion ta minimo 2 ora prome.

PasaheroE sistema di ED (Electronic Disembarkation) Card tur pasahero ta uza ora di yega Aruba lo no refleha e sistema aki mas y 13 di entrante september, 2022 lo no manda mas notificacion por medio di e sistema aki pa e vuelonan di salida.

Despues di a evalua e sistema di codigo di color hunto cu tur partners di aeropuerto cu ta forma parti di e procesonan na aeropuerto a dicidi cu temporalmente lo elimina e sistema di controla e fluho.

Ya cu nos ta drentando e temporado abou e lunanan nos dilanta, e sistema di fluho aki no ta necesario mas. Lo introduci modificacionnan chikito den e check-in y e fluho di pasahero en general. Tambe lo haci mas evaluacionnan den e lunanan cu ta bini prome cu nos drenta den e temporada druk di winter na final di aña.

Aruba Airport ta gradici tur su partnernan y autoridadnan operando na aeropuerto cu tawata involvi den e proceso aki y ta comprometi hunto cu tur partner y autoridad pa sigui desplega tur esfuerso pa mehora e proceso di fluho di pasahero na nos aeropuerto.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options