E autoridad independiente di competencia ta stimula competencia y ta den interes di comerciantenan y consumidornan

Banda di esaki consumidornan y companianan ta keda perhudica door di falta di un maneho dirigi riba competencia.

E programa pa mehora e clima pa haci negoshi y di inversion na Aruba, proyecto 3 “Implementacion di Aruba Fair Trade Authority”, tin como resultado cu e ordenansa nacional pa loke ta trata competencia (mededingingsverordening) ta drenta den vigor. Supervision di esaki, cu ta den man di e autoridad independiente di competencia (mededingingsautoriteit), yama “Aruba Fair Trade Authority” (AFTA), tambe ta bira operacional.

E meta di e ordenansa nacional di competencia ta pa garantisa un desaroyo economico duradero. Ademas pa stipula regla tocante acuerdonan cu ta limita competencia (mededingingsafspraken) y posicion di poder (machtspositie), como tambe pa stipula regla pa loke ta trata supervision riba concentracion di empresa.

Por describi e posicion di AFTA como uno independiente den nos sociedad y cu un reputacion di autoridad cerca e ciudadanonan di Aruba, e comunidad empresarial, politica, gobierno, ciencia y abogacia. AFTA ta un participante prominente den debatenan publico tocante mercado y supervision.

Minister Geoffrey Wever: “Reglanan di concurencia y supervision efectivo ta contribui na dinamismo y diversificacion di economia, innovacion, prijsnan abou pa consumidornan y companianan y miho calidad di servicio y producto.” “E implementacion di e autoridad independiente di competencia ta den interes di henter pueblo di Aruba”