E adulto tin un rol determinante pa bringa COVID-19

ORANJESTAD – Departamento di Salud Publico (DVG) kier conscientisa e adultonan di nan rol esencial pa prevencion di plamamento di COVID-19.

Bou e categoria di adulto, nos ta señala esnan cu ta entre 41-60 aña. E grupo aki DVG ta conta ariba nan pa nan experiencia y madures.

Como un adulto riba nos isla, memey di e pandemia aki, bo rol ta determinante, no solamente pasobra bo ta mas consciente pa cuida bo mes, pero bo accion ta encurasha y motiva otro.

Come saludabel – Scoge pa grano complete, bonchi, noot y simia Ad E adulto tin un rol determinante pa bringa COVID-19Como Departamento di Salud Publico, nos ta invita e grupo aki pa hunto forma parti di e solucion. Cuida bo mes semper, teniendo den consideracion tur e medidanan di proteccion pero tambe alimenta di mes na un manera saludabel y haci actividad fisico.

Disminui consumo di alcohol y stop humamento, purba relaha mas frecuente, drumi por lo menos 7 ora pa anochi y cuida bo higiena personal.

Come saludabel – Come dos diferente fruta pa diaCovid-19 sin duda a afecta mundo henter su manera di biba, di socialisa y di haci hopi otro cos. Nos mester purba continua manteniendo e rutina di biba saludabel no solamente na trabou of riba caya pero tambe na cas, tur esaki pa un bon salud mental y fisico.

Como adulto bo ta dirigi, bo ta guia, bo ta monitor, bo ta lidera, ta pesey e yamado ta pa sigui tur regla y protocol stipula pa por yuda den e recuperacion di nos pais.

Tin hopi hoben cu sin cu abo sa ta wak bo y ta sigui bo paso, ta pesey bo comportacion ta asina importante.

Pa nos sigui bringa e Covid-19, mester sigui tur regla y recomendacion stipula. Nos tur mester ta determina pa enfrenta tur reto. Ban sigui cuida, Aruba ta conta cubo!

#ArubaTaContaCuBo
#DVGAruba

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options