DVG ta stop despues di dos aña continuo cu update di COVID -19

Oranjestad – Departamento di Salud Publico ta informa cu despues di dos aña ta stop cu update di COVID -19.

DVG ta stop cu update di COVID -19. COVID-19 tey lo sigui transmiti su mes pa hopi tempo mas entre nos. P'esey e conseho na comunidad ta pa sigui ta consciente y proteha bo mes y esnan rond dibo cu por ta vulnerabel contra COVID.

Vacuna a hunga un rol hopi importante den e proceso pa controla e pandemia aki y vacuna lo sigui hunga un rol importante den mantene e casonan di COVID abou. Na Aruba pa algun luna caba e casonan di COVID ta stabil y nos cuido medico tambe.

DVG ta di opinion cu ta ora pa stop cu e updatenan semanal tambe y sigui monitor COVID internamente manera cualkier otro malesa infeccioso.

Den caso cu DVG cuminsa observa aumento den caso di COVID, manera semper DVG lo sa di alerta y informa comunidad di esaki mesora. E conseho na comunidad ta pa sigui cuida y vacuna.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options