DVG ta enbusca di ciudadanonan pa forma parti di ‘focus group’ riba e topico di vacunacion contra Covid-19 na Aruba

ORANJESTAD -  Pa DVG por dirigi su strategia di comunicacion encuanto e vacuna contra Covid-19 mas optimal, ta necesario pa nos ta informa riba aspectonan cu ta biba y reina den nos comunidad y tambe riba factornan cu por ta impediendo Aruba di yega un grado di vacunacion di nos populacion aun mas halto.

Pa por logra colecta e informacionnan balioso aki ta esencial pa tin ciudadanonan den comunidad cu kier forma parti di un grupo cu lo comparti informacion cu DVG. Esaki nos ta yama un ‘focus group’.

Pa esaki, DVG ta buscando personanan cu NO a tuma e vacuna ainda, pero kisas lo kier tuma esaki den futuro of ainda ta den duda pa un of otro motibo. Bo persona ta haya interesante pa combersa cu DVG y provee nos cu informacion relevante riba e topico aki? Tuma contacto cu nos door di mail nos na directie@dvg.aw y manda nos bo inicialnan y bo number di telefon. Topico pa e focus group lo ta vacunacion contra COVID-19 na Aruba.

DVG ta enbusca di ciudadanonan pa forma parti di ‘focus group’ riba e topico di vacunacion contra Covid-19 na Aruba.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options