Pa e gran mayoria di nos, no lo nota niun cambio. E motibo ta cu e compania cu ta busca bo sushi, ta keda mescos, y lo keda busca bo sushi mesun dia mesun ora. E meta ta pa eventualmente logra cu tur hende ta separa sushi na cas of negoshi.
Pa e personanan cu ta hardinero, contratista, of ta hiba nan mesun sushi di cas pa Dump, lo tin diferente localidad nobo pa procesa, abase di e tipo di desperdicio.
| Compania cu ta procesa desperdicio | |
|---|---|
|
Tipo di desperdicio |
Localidad |
| Green Waste (mata, yerba, palo di mata) | Ecoteca of Johnsons |
| Metal, Wacharaca, Bateria etc. | Daltra of ICR Services |
| Concreto/Demolicion | APEX |
| Taira | Ecotech of Carentra |
| Sushi mixto (Cas + Hardin + Otro) | Ecotech |
Riba e blueprint Ministerio di Naturalesa tin e lista di diferente compania confirma y cua tipo di desperdicio nan ta acepta.
Ta importante pa compronde, cu mientras e infrastructura pa un economia circular, pa reciclahe etc. ainda no ta na su luga debido, ya caba tin suficiente solucion basico pa por cera Dump di Parkietenbos, pa asina cuminsa e proceso di tapa esaki pa converti'e den un Parke Solar.
Lo tin mas opcion den futuro cercano pa caminda pa hiba plastic, glass, y otro tipo di desperdicio, cu e meta cu e companianan aki lo recicla mas tanto posibel.
Cualkier paso den e bon direccion, ta un salto grandi pa Aruba. Den e caso aki, moviendo for di un "Open Dump" pa un "Sanitary Landfill", caminda ta compacta y empaketa e desperdicio cu no por a reuza of recicla, ta un salto grandi pa Aruba su medio-ambiente.
Share this page