HomeActualidadNoticiaDOW ta urgi pa busca permiso di construccion aproba

DOW ta urgi pa busca permiso di construccion aproba

Dit item is gearchiveerd op 10-01-2020.

ORANJESTAD –Departamento di Obra Publico (DOW) ta haci un apelacion na tur esnan cu no a busca nan permiso di construccion cu a ser honra, pa haci esaki mas pronto cu ta posibel.

Borchi entrada di Departamento di Obra Publico (DOW)Algun tempo pasa a aproba un gran cantidad di peticion pa permiso di construccion. No ser busca varios di esakinan En conexion cu digitalisacion y ordenacion di nan archivo, DOW ta haci un apelacion na tur esnan cu no a busca nan permiso di construccion cu a ser honra, pa haci esaki mas pronto cu ta posibel.

Edificio Departamento di Obra Publico (DOW)Segun e maneho di departamento di Supervision di DOW y e condicionnan mara na e permiso di construccion, e permisonan di construccion honra lo bira invalido, si no busca esaki dentro di un aña. Na nomber di Minister encarga cu infrastructura lo revoca e permisonan di construccion aki.

Pa medio di e convocatorio aki DOW ta haci un apelacion na esnan concerni pa busca nan permiso di construccion honra aki prome cu dia 31 di januari 2020.

Den caso cu no busca e permiso di construccion honra, DOW lo supone cu no tin interes mas den e permiso di construccion, pa cual motibo lo tuma paso pa revoca e permiso di construccion honra entrante 1 di februari 2020.

Atencion: ta trata aki di e permisonan di construccion cu a ser honra te cu 31 di december 2018.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options