Dos ‘variant of concern’ circulando na Aruba

Dit item is gearchiveerd op 09-04-2021.

ORANJESTAD  - Rond mundo na e momento aki tin diferente variante di e virus SARS-CoV-2 cu ta ocaciona COVID-19.

Porta bo ta puntra bo mes “ kico ta un variante ?”. Wel un variante nobo di e virus di SARS-CoV-2 ta sosode na momento cu e virus ta transmiti su mes asina hopi atraves di hende cu e ta cambia su structura of ta wordo bisa cu eta muteer. Esaki ta un proceso normal cu ta sosode cu tur virus y bacteria. Cu otro palabra nan ta adapta nan mes.

Covid-19 varianteDen caso di e virus SARS-CoV-2 cu ta causa COVID-19 no ta diferente, debi na e pandemia mundial masha hopi hende a keda contagia caba y ainda ta wordo contagia. Esaki ta haci cu e virus ta cambiando continuamente den diferente region di mundo. Tin di e mutacionnan den e virus cu ta insignificante, pero tin di e mutacionnan cu ta preocupa scientificonan y esakinan ta categorisa como VOC cu ta un ‘variant of concern’, pasobra compara cu e variante di Wuhan China e variante nobo of ta mas contagioso, mas peligroso of ta afecta no solamente adulto pero tambe mucha.

Na Aruba na e momento aki ta circula dos ‘variant of concern’ cu ta e variante di Reino Uni y tambe e variante di Brasil. Tur dos di e variantenan aki segun experonan ta mas contagioso cu e variante original di Wuhan y esun di Brasil ta mas peligroso tambe. Esaki ta haci cu den ciudadnan y poblacionnan unda un gran mayoria di persona ainda no tin resistencia contra e virus por sigui experencia brote di e malesa cu grado di fayecimento cu ta sigui crece.

Covid-19 varianteSi nos para keto y haci un resumen di nos isla Aruba nos por resumi cu nos prevalencia pa cu e virus na e momento aki ta unicamente 6.5% di nos poblacion. Esaki nifica un e mayoria di nos comunidad ainda ta vulnerabel pa e virus aki. Si nos no sigui cumpli cu tur e medidanan y reglanan vigente, cu presencia di e dos variantenan nobo aki, hopi lihe Aruba por experencia un of mas brote atrobe di casonan di COVID-19. Esaki ta e motibo pakico ta urgi na comunidad pa sigui cumpli cu tur regla y medida di proteccion. Esnan den isolacion y cuarenta tambe sigui cumpli debidamente y cuida boso mes y otronan.

Hopi importante; na prome indicacion di sintoma di garganta dolor of seco, keintura, nanishi ta core of cansancio; yama bo doctor di cas pa bo haci test. Asina nos ta evita un brote den bo famia of na trabao. Tambe ta hopi importante pa nos vacuna, mas lihe nos población vacuna, menos hende ta bira malo di Covid-19 y mas liher Aruba ta recupera. DVG lo sigui monitor e situacion cu e variantenan hopi di cerca.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options