Dos edificio monumental ta bay keda renoba bou guia di Monumentenbureau den comienso di aña 2021

ORANJESTAD – Riba 18 di december 2020, Minister di Finansas, Asunto Economico y Cultura mr. Xiomara Maduro hunto cu Minister President mr. Evelyn Wever-Croes y Minister di Turismo, Salud Publico y Deporte Sr. Dangui Oduber a firma e acuerdonan necesario pa asina dos edificio monumental por keda renoba pa Monumentenbureau den comienso di aña 2021.

Ta trata di e edificio di Departamento di Salud (DVG) y e edificio di Departamento di Recurso Humano DRH na Eagle. 

Firmamento di e acuerdonan necesario pa asina e edificio monumental di Departamento di Salud Publico y Departamento di Recurso Humano por keda renoba pa Monumentenbureau den comienso di aña 2021.Firmamento di e acuerdonan necesario pa asina e edificio monumental di Departamento di Salud Publico y Departamento di Recurso Humano por keda renoba pa Monumentenbureau den comienso di aña 2021.Edificio di DVG

Hunto cu Minister Oduber, Minister Maduro a firma cu e contratista Albo Aruba NV pa asina por haci e renobacion paden di e edificio di DVG conoci como ex Landslaboratorium. E trabounan lo cuminsa dia 26 di januari 2021 y ta premira pa entrega e proyecto dia 25 di juni 2021. E proyecto lo tin un costo maximo di 466 mil florin. E proyecto aki cu ta yuda pa conserva e monumento y tambe ta brinda e trahadornan di DVG un lugar mas adecua pa haci nan trabou, cu sigur den e tempo di pandemia a exigi hopi esfuerso di nan banda.

Firmamento di e acuerdonan necesario pa asina e edificio monumental di Departamento di Salud Publico y Departamento di Recurso Humano por keda renoba pa Monumentenbureau den comienso di aña 2021.Firmamento di e acuerdonan necesario pa asina e edificio monumental di Departamento di Salud Publico y Departamento di Recurso Humano por keda renoba pa Monumentenbureau den comienso di aña 2021.Edificio di DRH

Hunto cu Minister President, Minister Maduro a firma cu e contratista S&L General Contractor NV cu ta keda encarga cu e trabounan di renobacion di e edificio di DRH na Eagle. E edificio aki tabata e oficina principal di e refineria Arend Petroleum Maatschappij mihor conoci como e refineria di Eagle cu a cuminsa opera na april 1928. Cu tempo e edificio aki a alberga oficina di ATA y AHATA y awor ta Departamento di Recurso Humano ta eyden haciendo un trabou importante pa Pais Aruba. E proyecto lo tin un costo di maximo 750 mil florin y e trabounan ta inicia 18 di januari 2021 y ta premira pa caba 16 di juli 2021.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options