Docter y tur frontliner ta sacrificando nan mes y nan famia pa tene nos safe

Dit item is gearchiveerd op 23-09-2021.

ORANJESTAD  - Durante e conferencia di Prensa, Prome Minister a presenta un dibuho cu ta mustra un situacion hopi impactante di un docter cu ta casi hoga pa tene un pashent riba cama safe.

Minister president a uza e dibuho (picture aki) aki pa splica e situacion di Hospital.  

“Awe hospital ta bisa nos cu esaki ta e situacion cu nan ta aden. Nan ta suplica pa ayudo pasobra ta hopi hende ta bin pareu cu mester di ayudo. Esaki eigenlijk ta conta pa tur nos frontliners den e dianan aki. No lubida cu tin otronan cu ta sacrificando nan mes y nan famia pa tene nos safe. Nos tambe por haci di nos parti. Nos por cumpli cu e reglanan, e peticionnan, nos por mantene nos mes paden mas safe cu ta possible.

Ban mantene tur nos frontliners den oracion. Si bo tin plannan pa awe, awe nochi of mañan, cambia nan y keda paden caminda bo ta mas safe. Cu poder di Dios dentro di algun dia nos ta combati e situacion cu nos ta aden y nos ta bay bek na loke ta parse normalidad. Si bo tin un fiesta planea, porfabor postpone esaki pa despues.

Manera nos a bisa tur cos ta dirigi cu dia 1 di september nos por habri scol pa nos muchanan. Nan a perde 2 siman caba y no ta husto pa nan tampoco. Nos kier pa nan por sigui desaroya. Pero pa logra esaki nos tur mester uni”.

Dibuho di un docter cu ta casi hoga pa tene un pashent riba cama safe.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options