Docentenan, ban vacuna pa enseñansa por continua!

ORANJESTAD  - Departametno di Salud Publico (DVG) den colaboracion cu SEPPA y SIMAR ta invita docente y tur esnan trahando den enseñansa pa registra pa wordo vacuna.

Ta e intencion pa durante e dianan di vakantie venidero pa vacuna cu e prome dosis mas hopi docente y tur esnan trahando den enseñansa posibel.

Registracion docentePa por haci esaki ta necesario pa docentenan y tur es trahando den enseñansa pa:

STAP 1:

Descarga y registra via Aruba Health App, traha un ‘user’ y primi riba e ‘icon’ di vacuna pa registra pa e vacuna.

STAP 2:

Manda un mail na seppa@setarnet.aw of info@simar.aw cu e siguiente dato:

  • bo nomber y fam;
  • fecha di nacemento;
  • adress, number di AZV;
  • ‘e-mail address’ y scol of organisacion.

No ta importa si bo ta un miembro of no.

E colaboracion ta na bienestar di enseñansa y e datonan ta importante pa DVG por filtra esnan den e grupo di meta cu ta enseñansa.

Si bo ta un docente of ta traha den sector di enseñansa, registra y vacuna pa enseñansa por continua. Aruba ta conta cu bo!

#DVGAruba

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options