DNM ta lansa un video pa motiva e consumidor pa yena e encuesta relaciona cu e ley prohibicion uzo di plastic di un solo uzo

Aña pasa na luna di october DNM a establece e encuesta pero e biaha aki, DNM a produci un video cu ta ilustra con por haya e encuesta y yena esaki. Por haya e video riba e Facebook page di DNM, dnmaruba 

Na 2019, Aruba a aproba e ley prohibicion di productonan dañino pa medio ambiente (AB 2019no.67). E ley aki a drenta na vigor dia 1 di juli 2020. Nos sa cu e introduccion a impacta e consumidor y tambe e importador. P’esey ta haci un yamada na e comunidad pa yena e encuesta. Bo por haci bo escohencia pa Papiamento of Ingles.

Si bo persona no sa kico ta prohibi pa ley y ta interesa den nos leynan local,  por haya esaki riba e ley prohibicion di productonan dañino pa medio ambiente (AB 2019no.67 - Landsverordening verbod voor het milieu schadelijke producten). DNM ta recomenda repasa e ley prohibicion di productonan dañino pa medio p’asina bo por haya e lista di productonan di plastic y di polystereen cu ta prohibi. Asina por haci un mihor escohencia pa loke ta trata nos medio ambiente.

DNM ta gradici nos dos actornan chikito y e dedicacion pa realisa esaki di parti nos stagiaire Gianira Maduro.  Bo por comparti e link Papiamento of Ingles cu amigonan y famia y comparti e video pa nos logra  colecta data importante pa asina evalua e introduccion.