District297 ta anfitrion di webinar riba e topico relacionnan cu Reino Hulandes

ORANJESTAD - Diahuebs awor, 8 di october pa 12:30 pm, District297 lo tene un sesion informativo online cu ta hiba e titulo, “One Kingdom: Four Countries”.

Logo DISTRICT297Webinar - One Kingdom Four Countries (Un Reino: 4 pais)E debatenan tocante Aruba su posicion den Reino Hulandes no ta nada nobo. A causa di un historia compleho di Aruba den Reino, no tur ora esaki ta un combersacion facil. Awe, debi na e negociasionnan andando cu Hulanda, nos como un pais ta den e debate un biaha mas.

Durante e webinar expertonan riba e tereno lo tene combersacion encuanto e constitucion di Reino, islanan BES, e posicion di Aruba den Union Europeo y e significacion di bira un EU Outermost Region.

Miembronan di e panel lo ta:

  • Mildred Schwengle: un miembro di Raad van State di Reino Hulandes;
  • Glenn Thodé: ex Gezaghebber di Bonaire;
  • Eddy Paris: representante di Gobierno di Aruba na Union Europeo;
  • Dr. Gohar Karapetian: un investigado independiente riba e topico Aruba y Union Europeo.

E webinar ta dirigi na personanan cu ta interesa pa siña mas riba e status legal di islanan ABC y BES den Union Europeo y Reino Hulandes. District297 ta spera cu e sesion lo fomenta combersacionnan publico cu bon informacion riba e topico aki.

Pa registra na e webinar aki, bishita District297 (https://www.facebook.com/district297/) riba medionan social.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options