Direccion di Finansa ta entrega cuenta anual 2017 na minister Ruiz-Maduro

E cuenta anual aki ta e di ultimo cu a cay bao di auspicio di Gabinete Mike Eman-II.

E resultado di e cuenta anual ta mustra lo siguiente:

• Un deficit realisa di e sector collectivo di 117 miyon florin cual ta 92 miyon florin mas compara cu e presupuesto original cu mester a conta cu un deficit di 25 miyon florin. Traduci den porcentahe di e producto interno bruto (GDP), e ta 2.4%, cu ta mas halto cu e norma estableci pa LAft di 0.5% pa 2017.
• E debe nacional a subi cu 176 miyon florin sumando na 4.197 miyon florin na aña 2017. Esaki ta hiba e porcentahe di debe expresa den GDP na 86.8% pa aña 2017.

Siguientemente lo entrega e cuenta anual na Controlaria General pa nan haci nan controlnan pa despues entrega e cuenta na Parlamento di Aruba pa discuti durante nan reunion publico.