DIP lo tin 3 anochi di informacion pa pueblo tocante introduccion di ROPV

Den e ley di Landverordening Ruimtelijk Ontwikkeling (LRO) ta para cu mester tin un ROP y ROPV. E prome paso di ROP ya a pasa cual a keda introduci recientemente, pa cual awor aki ta bay pa e siguiente paso cual ta e ROPV. ROPV ta un etapa nobo pa Pais Aruba, considerando cu lo ta e prome biaha cu Aruba ta bay introduci esaki, cual ta forma parti di desaroyo duradero di nos Pais

Tin diferente area (gebied) defini riba e mapa di ROP di Aruba, tur cu un color cu ta indica na ki tipo di area e ta, sea ta pa vivienda, naturalesa, desaroyo economico. Awor cu e ROPV, pa cada area ta duna na esakinan un bestemming, pues definicion di kico por haci den cada area. Esakinan ta elabora den e nota di ROPV y su splicacion (toelichting).

Ya ta asina leu cu DIP tin esaki cla, mirando cu ley ta bisa cu pa por yega na un ROPV mester encamina un proceso mescos cu tabata e caso cu ROP. Mester presenta e ROPV nota, toelichting y e mapa nobo, den cual ta indica tambe cua ta e reglanan (voorscchriften) cu mester tene cuenta cu nan den cada area, locual por y locual no por. Den cuadro di esaki tambe mester organisa sesionnan informativo den comunidad e asina yama “townhall meetings”. Mester percura pa splica pueblo kico e ROPV ta encera y duna oportunidad pa pueblo duna nan opinion y haci pregunta, pa por incorpora esaki den e nota.

Esaki lo ta e fechanan di e encuentronan cu pueblo:

Henter comunidad ta keda invita pa asisti y contribui na locual lo bira Aruba su prome ROPV.