DIP a firma 200 akte di tereno pa construccion

ORANJESTAD - Recientemente Prome Minister Evelyn Wever-Croes a traspasa autoridad di firmamento di akte di tereno for di Minister y pone den man di e departamento mes, esta Directie Infrastructuur en Planning (DIP).

Traha casE prome tarea cu DIP a ricibi ta, pa atende cu e atraso di tereno (500). Di awor en adelante, ta firma e terenonan na DIP pa su director, Sr. Haime Croes y un otro persona a base di principio di ‘cuatro wowo’. Di e forma aki ta depolitisa e departamento, agilisa e proceso y acelera desaroyo economico.

DIP a traha un planificacion pa atende cu e cantidad di 500 aktenan di personanan cla pa construi y/of planta, pa nan ricibi esakinan e aña aki. E meta ta pa trata 200 akte cada siman pa asina actualisa e peticionnan.

Firmamente acta director DIP Sr. Haime CroesDirector di DIP a splica cu awor cu DIP mes ta encarga cu e firmamento di terenonan, e meta ta pa sali for di nan mas lihe cu ta posibel, pa construccionnan por tuma luga y personanan por realisa nan proyecto.

Mester tene na cuenta si, cu ta drentando periodo di fin di aña y esnan cu ricibi nan carta mester bay banco, notario y atende cu contratista. Anteriormente tin custumber cu e notarionan ta cera nan oficina cuminsando 15 di december y e contratistanan tambe ta baha cu vacacion. Pues por spera cu pa januari/februari lo bay mira e desaroyonan.

Sectornan di comunidad cu lo ta beneficia

Edificio Deparament di Infrastructura y PlanificacionTin diferente sector cu ta beneficia ora cu tin construccion. Den e caso aki por ehempel FCCA ya cu mayoria di e aktenan firma tin hipoteca pendiente cu FCCA y tabata wardando riba DIP. Banda di esaki notarionan tambe lo tin trabou, banconan, contratistanan y luganan cu ta bende material di construccion. Pues e firmamento di terenonan tin un “spinoff effect” importante riba Aruba su economia.

Lista di espera

Sr. Croes a splica cu pa e proximo 5 añanan tin un necesidad di mas o menos 5000 hende cu lo mester cas. A base di e proyeccion ey combina cu e capacidad di construccion cu tin, DIP ta hiba un maneho pa realisa proyectonan di viviendanan cu ta bay halto. Di e forma aki por atende cu e demanda pa vivienda teniendo na cuenta e cantidad limita di tereno cu tin.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options