DIMAS su kalender di cita pa helpdesk ta disponibel

ORANJESTAD - DIMAS ta comparti cu su clientenan cu e kalender pa traha cita pa helpdesk ta un biaha mas disponibel via di e website di DIMAS.

Desde 16 di januiari 2023 clientenan por cuminsa aparta nan cita pa helpdesk.

Esaki ta significa cu desde dia 23 di januari venidero e personanan cu tin un cita reserva y confirma pa servicio di helpdesk lo wordo atendi personalmente na oficina di DIMAS. Tur otro servicio lo continua via di nos e-helpdesk riba nos website. Alabes ta informa cu entrega di peticion di permiso of declaracion lo continua via e formularionan online of e portaal pa entrega peticionnan.

Uzando e kalender pa traha un cita pa helpdesk lo atende e cliente riba e orario confirma cu pregunta tocante di status di peticion, ora cu no a ricibi su orden di pago, peticion di carta di re-entry, coreccion di informacion, fecha di vencemento riba permiso di firma liber.

Con e cliente ta traha su cita?

  1. Subi riba e website di DIMAS www.dimasaruba.aw;
  2. Escoge e idioma di preferencia: Hulandes, Spaño of Ingles;
  3. Riba e homepage scoge “Maak een afspraak voor de helpdesk” / “Haz una cita para
  1. el servicio de asistencia” / “Make an appointment for the DIMAS helpdesk”;
  1. Scoge e fecha y orario desea;
  2. Yena e formulario completamente;
  3. Controla cu a yena e emailadres personal y number di celular corectamente;
  4. Save!
  5. Controla y confirma door di klik riba e link cu DIMAS lo manda via di e emailadres personal yena dentro di e tempo stipula den e email.
Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options