Diasabra awo ta ultimo dia di ayudo pa yena formulario di inkomstenbelasting 2014

Dit item is gearchiveerd op 25-12-2015.

ORANJESTAD – Departamento di Impuesto ta informa su clientenan cu e campaña di yenamento di e formulario di declaracion (aangiftebiljet) di inkomstenbelasting 2014 ta termina diasabra awo.

Durante e campaña ta yuda clientenan yena nan formulario di declaracion (aangiftebiljet) di inkomstenbelasting 2014. Pa por  participa mester por cumpli cu e condicionnan. Por haya ayudo:

  • Tur ersona soltero cu tin un entrada bruto di no mas cu Afl. 75.000,-;
  • Tur ersona casa cu – hunto - tin entrada bruto di no mas cu Afl. 150.000,-;
  • No por brinda ayudo na esnan cu tin un empresa propio of cu ta traha riba nan mes.

Tin cu trece e.o. cu bo:

  • resumen di salario;
  • resumen di entrada di huur di cas of apartamento;
  • resumen di pension di biehes;
  • resumen di pago periodico na huerfano;
  • carta di interes di banco y/of otro instancia;
  • comprobante di prima di seguro di bida;
  • comprobante di pago di alimentacion na ex-casa;
  • comprobante di inscripcion di scol di yiu cu ta den exterior haciendo un estudio cu no ta posibel na Aruba;
  • recibonan di gasto di scol paga manera contribucion di scol, material di estudio y/of gasto di pasashi, pa yiu cu ta den exterior haciendo un estudio cu no ta posibel na Aruba;

Campaña ta tuma luga te cu diasabra awo na diferente luga. Ta duna ayudo na e siguiente luganan:

Fecha Sitio Ora
23 - 28 november 2015 Oficina principal na Camacuri

8:00 am – 4:00 pm nonstop

Oficina di gobierno na Noord (MFA Noord)
Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options