E obhetivo di e dia aki ta pa sensibilisa y crea consciencia den sociedad riba e importancia di nos riñonnan. Asina ta motiva comunidad pa fomenta habitonan di bida Saludabel y ta preveni enfermedadnan renal.
Pero ki porcentahe di nos poblacion tin problema cu riñon?
Ta dificil pa calcula esaki. Malesa cronico di riñon (Chronic Kidney Disease: CKD) tin diferente clase, CKD di 1 te 5. Pashentnan cu ta haci dialisis ta cay bou clase CKD 5. Nos tin rond di 200 pashent cu ta haci dialisis na Aruba (sin conta esnan cu a haci un transplante). E proporcion di individuo cu CKD 5 (cu ta haci dialisis) na Aruba ta halto compara cu resto di mundo.
Ken ta wordo afecta mas tanto cu malesa di riñon, hende homber of hende muhe?
Ta mustra cu no tin un diferencia significativo pa cu esaki.
Hende di ki edad ta wordo afecta mayoria di biaha?
55+
Ki otro malesanan ta yuda desaroya problema cu riñon na Aruba?
Diabetes Mellitus y Hipertension (presion halto)
Aki 4 conseho importante pa yuda cuida bo riñonnan:
- Mantene un bon presion arterial.
- Come saludabel. Evita exceso di vet, sucu y salo.
- No huma.
- Haci ehercicio regularmente.
Cuida bo curpa pa un bida mas saludabel!
Share this page