Dia Mundial di Oido

Dit item is gearchiveerd op 04-04-2022.

ORANJESTAD  –  Tur aña riba 3 di maart ta celebra Dia Mundial di Oido (World Hearing Day) pa conscientisa riba con pa preveni perdida di oido y pa promove cuido di oido rond di mundo.   

E tema pa  2022 ta 'Pa scucha di por bida, scucha cu cuidou’.

Riba 3 di maart, Dia Mundial di Oido, Minister di Salud Publico Sr. Dangui Oduber conhuntamente cu Minister-President Sra. Evelyn Wever-Croes ta reuni cu Quota International of Aruba.Riba 3 di maart, Dia Mundial di Oido, Minister di Salud Publico Sr. Dangui Oduber conhuntamente cu Minister-President Sra. Evelyn Wever-Croes ta reuni cu Quota International of Aruba.Den cuadro di esaki Minister di Salud Publico Sr. Dangui Oduber conhuntamente cu Minister-President Sra. Evelyn Wever-Croes a reuni cu Quota International of Aruba.

Den e reunion a toca varios punto di atencion pa loke ta trata cuido di oido. Mundialmente Quota International ta existi pa mas di 100 aña. Nan ta duna asistencia na hende muher y muchanan cu tin dificultad di oido y tambe di comunicacion. Ademas nan ta conscientisa, educa y informa comunidad con importante ta pa cuida nan oido.

Minister Oduber a informa e representantenan di Quota International of Aruba cu cuido di oido ta cuadra cu maneho di salud caminda ta trahando riba un plan nacional di prevención.

Riba 3 di maart, Dia Mundial di Oido, Minister di Salud Publico Sr. Dangui Oduber conhuntamente cu Minister-President Sra. Evelyn Wever-Croes ta reuni cu Quota International of Aruba.Dia Mundial di Oido E vision di Gobierno ta pa informa e comunidad mas tanto cu ta posibel den e importancia den e prevencion di perdida, como tambe cuido di nan oido. Segun minister Oduber tambe ta bay haci Quota forma parti di e plan nacional di prevencion como un “gesprek partner” hunto cu DVG y demas stakeholders.

Ta pidi tur hende pa proteha nan oido, bisti un proteccion di oido por ehempel un earplug si bo ta traha den areanan cu zonido duro. E organo di nos oido unabes cu e haya daño, e no ta cura mas, no tin remedi pe, pesey mester cuide semper.

Gobierno ta gradici Quota International of Aruba pa tur e trabounan cu nan ta haci como boluntario. Tambe pa yuda Gobierno hopi den e parti di campañanan di prevencion, conscientisacion y educación di nos comunidad den e importantancia pa cuida nos oido.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options