Departamento di Salud Publico Aruba ta haci un yamado na nos comunidad pa hiba un bida saludabel pa evita obesidad pa tin un miho calidad di bida. Casi 80% di e poblacion di Aruba tin un sobre peso. Mayoria di e personanan aki no ta ni realisa cu nan tin un sobre peso.
E Organisacion Mundial di Salud ta defini obesidad como un cantidad abnormal of excesivo di vet acumula cu ta forma un riesgo pa e salud di e persona.
Usualmente ta midi e indice di masa corporal (BMI), y tambe e cintura. Un BMI 30 kg/m2 of mas ta indica obesidad. Tambe tin obesidad si e hende homber su cintura ta 102 cm (40 inch) of mas y si e hende muher su cintura ta midi 88 cm (35 inch) of mas.
Abo sa con pa haci bo midi? Click riba e link pa wak e video demonstrando e tecnica pa midi bo cintura: https://www.facebook.com/desparuba/videos/1907364046264568/
Obesidad ta un resultado di diferente factor paden y pafo di nos control. Factornan biologico y genetico ta pone algun di nos na mas riesgo. E ambiente fisico y social tambe por impacta e habilidad di un persona pa por hiba un bida saludabel y kisas expone e persona na cuminda cu no ta saludabel.
Kico abo por haci?
- Come tres biaha pa dia un cuminda (desayuno, cuminda di merdia y cuminda atardi) y 1 – 2 entremedio/snack.
- Come 2 pida fruta tur dia pa haya vitamina y fibra.
- Bebe por lo menos 7-8 glas di awa.
- Minimalisa uzo di vet te cu 1 cuchara pa cushina.
- Evita of limita uzo di sucu, salo y alcohol.
Share this page