E tema di e aña aki ta Educacion pa proteha mañan (“Education to Protect Tomorrow”), cu ta un yamado pa fortalece acceso na educacion di calidad tocante diabetes pa diabeticonan, pa cuido medico y comunidad en general.
Diabetes ta un enfermedad cronico, cu ta categorisa como un malesa no transmitibel (NCD’s).
E malesa serio aki ta afecta bo bista, funcion di riñon, bo nervionan, bo curason, circulacion y celebro. Diabetes por ta genetico of por desaroya door di un estilo di bida no saludabel.
Bo tabata sa cu na Aruba, 16.24% di persona ta sufri di diabetes? Un porcentahe hopi halto compara cu e resto di mundo.
Algun tip di Departamento di Salud (DVG) pa combati diabetes:
- Move suficiente (minimo 30 minuut pa dia).
- Come saludabel. Purba cushina na cas.
- Mantene un peso saludabel.
- Stop di huma.
- Percura pa bo tin tempo pa relaha.
- Cuida bo pianan bon y controla nan tur dia.
- Evita alcohol.
Cuminsa haci cambionan positivo pa bo salud. Educa awe over di diabetes pa bo por ta proteha mañan!
Share this page