Nos grandinan semper a hunga un rol hopi importante, como lider di nos sociedad y conservador di nos tradicion. Mester menciona cu nan ta un grupo vulnerabel, hopi di nan ta cay den pobresa y ta biba cu limitacion. Aunke cu e cuido di salud ta mehorando, e poblacion di nos hende grandi ta sigui crece y nan necesidad tambe ta aumenta.
Dia internacional di Hende Grandi ta un oportunidad pa balora y reconoce e contribucion importante cu nos grandinan a aporta na nos comunidad. Tambe ta importante pa crea conscientisacion di e oportunidad y reto di e poblacion cu ta bira bieu den e mundo di awendia.
Seccion Cuido di Nos Grandinan kier a conscientisa y empodera nos grandinan den tur dimension di desaroyo, door di encurasha nan participacion activo den nos sociedad, economia y bida politico. Esaki ta un manera pa sigura inclusion y reduci desigualdad.
E tema di e aña 2019 ta “E Trayecto pa Igualdad di Edad” ( he Journey to Age Equality).
E tema di 2019 ta segun e Meta di Desaroyo Sostenibel (Sustainable Developmental Goal) # 10 cu ta enfoca riba e caminda di maneha cu e existencia y preveni desigualdad den edad halto. https://www.un.org/en/events/olderpersonsday/
E tema su objetivo ta:
- Gara atencion na e existencia di edad grandi y na desigualdad
- Crea conscientisacion na e urgencia di maneha e existencia y preveni den futuro desigualdad di nos grandinan
- Explora e cambionan social y structural cu bista riba e manehonan di e transcurso di bida,
- Refleciona ariba e miho practicanan, educa pa progreso riba e trayecto pa termina desigualdad den edad di nos grandinan y cambia e imagen y percepcion negativo cu tin relaciona envehecemento.
Pa mas información por tuma contacto cu Departamento di Salud Publico Aruba.
Seccion Cuido di nos Grandinan Tel 522-4345.
Share this page