Dia Internacional di wetland 2 di februari

Dit item is gearchiveerd op 01-03-2020.

ORANJESTAD – En conexion cu Dia Internacional di wetland, cu ta celebra riba februari 2, cada aña, Departamento di Naturalesa y Medio Ambiente kier conscientisa comunidad di Aruba tocante e rol vital di wetlands pa nos isla y nos planeta.

Dia Mundial di Wetlands 2020E dia aki tambe ta marca e fecha cu, na aña 1971 riba 2 di februari na e ciudad Irani yama Ramsar, a bin na vigor e tratado intergubernamental 'Convention on Wetlands' awendia mihor conoci como e 'Ramsar Convention'.

Dia Mundial di Wetlands 2020A celebra e dia aki pa prome biaha na 1997.  Ariba e dia aki a scoge pa conscientisa un y tur ariba e importancia di un wetland. Pero kico ta un wetland? E definicion di un 'wetland' por ta hopi amplio, pa awo nos tur mester sa cu ora nos ta papia di un 'wetland' nos ta referi na e areanan manera un bahia, saliña of tanki, cu generalmente ta cubri di awa y tin biaha cu lodo, pues un area muha, sea artificial of natural, unda awa por ta para of ta core, permanente of temporal, fresco, braak of salo, incluyendo e areanan terestre of parti di lama.

Na Aruba nos conoce varios wetland. Pa menciona algun nos tin:

  • Saliña di Malmok;
  • Saliña di Savaneta;
  • Plas na The Mill;
  • Bubali Plas;
  • Isla di Oro;
  • Santo Largo;
  • Mangel Halto;
  • Spaans Lagoen.

Bubali plas – Bird Sanctuary – Fuente: Aruba.ComE cuater ultimo  menciona ta areanan protegi y ta bou maneho di Parke National Aruba.

Cada wetland tin un funcion ecologico y ta brinda un of mas servicio ecologico.

Funcion di un wetland ta inclui:

  • Un wetland ta yuda den e proceso di elimina contaminacion.
  • Rifnan di coral hunto cu yerba di lama y e matanan di Mangel ta brinda proteccion na nos costa contra posibel desaster natural, manera horcan, tsunami, inundacion pa motibo di olanan halto y grandi door di hopi biento.
  • Un wetland tin un rol importante den stabilisa emision di e gas cu ta wanta calor, mas mihor conoci como greenhouse gasses (GHG).
  • Wetlands tin e capacidad pa absorbe y retene cantidad grandi di awacero.

Saliña na SavanetaBubali plas – Bird Sanctuary – Fuente: Aruba.ComMientras 40% di tur especie ta biba of haci uzo di un wetland pa multiplica of reproduci, un wetland tambe ta atrae hende pa haci recreacion y asina disfruta di e bunita naturalesa cual na su turno tin beneficio positivo pa nos salud.

Considerando e importancia di un wetland ta bon pa nos cuida nos wetlands, mantene nan limpi di sushi, educa nos yiunan ariba esaki y hunto conserva, protega y haci uzo di esaki na un forma responsabel, sostenibel y sin explota e areanan aki. Bishita un di nan y comparti den comments un potret di e momento mas bunita!

#WorldWetlandsDay
#KeepUrbanWetlands
#CombatClimateChange
#sdg9 (Innovacion y Infrastuctura)
#sdg11 (Barionan y Comunidadnan Sostenibel)
#sdg13 (Accion riba Clima)
#sdg14 (Bida bou Awa)
#sdg15 (Bida riba Tera)

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options