Esaki ta un dia dedica pa honra e derecho fundamental di tur mucha. Riba e dia aki, pa trece conscientisacion riba nan derechonan, nos ta refleha riba e responsabilidad di adulto pa brinda e muchanan un futuro briyante y nos deber di yuda, respeta, y proteha nan derechonan.
Muchanan ta e futuro di un nacion. Den cada mucha nos ta mira e promesa di dianan mas briyante nos dilanti. Ta e deber di cada adulto, pa sigura cu e promesa aki bira un realidad pa cada mucha. E muchanan ta e futuro arkitectonan di un pais, y nos tin e responsabilidad pa pone den nan man e hermentnan, oportunidadnan y un base unda cu nan potencial por mira luz di dia.
Gobierno di Aruba ta reafirma su compromiso na e principionan di e tratado internacional cu a adopta pa Asamblea General di Nacionnan Uni na 1989 na unda cu ta splica e derecho di tur mucha bou di e edad di 18 aña cu ta inclui bida, salud, educacion y proteccion contra explotacion y abuso. Cada mucha mester crece sin miedo y sin discriminacion. Un sociedad respeta cu ta kere den su muchanan, ta lucha pa logra un ambiente sigur, di harmonia, amor, sin violencia, abuso y discriminacion pa cada mucha.
Mester inspira compasion, amor, dedicacion, resiliencia y innovacion awe na nos muchanan, pa mañan traspasa esaki pa e siguiente generacion.
Share this page