Dia 31 di januari 2022 ta e fecha final pa entrega e ‘verzamelloonstaat’ y ‘verzamelstaat opgaaf derden’ di aña 2021

ORANJESTAD – Departamento di Impuesto ta participa cu e fecha final pa entrega e lista colectivo di salario (verzamelloonstaat of VZL) y e lista colectivo di pago na tercera persona (verzamelstaat opgaaf derden of VOD) di aña 2021 ta 31 di januari 2022.

Edificio DIMPE doño di trabao of comerciante mester entrega e listanan menciona den forma digital via e portal ‘BO impuesto’ di Departamento di Impuesto. Si un doño di trabao of comerciante no ta registra den e portal menciona, lo mester haci esaki mas lihe posibel. Por haci un cita via www.impuesto.aw. E doño di trabao of comerciante por yena e datonan rekeri na man den e portal of por scoge pa upload e file XML, produci door di un programa di payroll.

Alabes tin e opcion pa uza e MS Excel filenan di Departamento di Impuesto cu yama “e-Verzamelloonstaat” y “e-Verzamelstaat Opgaaf Derden”. Por baha e filenan aki for di e website di Departamento di Impuesto www.impuesto.aw.

Dia 31 di januari 2022 ta e fecha final pa entrega e ‘verzamelloonstaat’ y ‘verzamelstaat opgaaf derden’ di aña 2021. Ta bon pa tene na cuenta cu no ta posibel mas pa entrega un USB-stick manera tawata e custumer den pasado. Departamento di Impuesto ta conseha tur contribuyente pa tene cuenta cu e fecha final di 31 di januari 2022.

Keda sin entrega e ‘Verzamelloonstaat’ of e ‘Verzamelstaat opgaaf derden’ di aña 2021 lo por nifica cu e contribuyente lo por ricibi un cobransa adicional (naheffingsaanslag) inclui boet di Afl. 10.000. Si acaso tin pregunta, por manda un e-mail na boi@impuesto.aw.

Pa mas informacion tocante verzamelloonstaat y/of verzamelstaat opgaaf derden por consulta e website www.impuesto.aw via e siguiente linknan:

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options