Di tres batch di vacuna ta yega Aruba riba 23 di maart pa e grupo di meta entre 18 cu 59 aña cu malesa of condicion di salud cronico

ORANJESTAD - Aruba ta cla pa cuminsa vacuna e siguiente grupo di meta na turno c uta encera personanan entre 18 cu 59 aña cu ta na risico pa motibo medico.

Yegada di tres batch di vacunaYegada di tres batch di vacunaNa e momento aki Departamento di Salud Publico (DVG) ta bezig ta trahando hunto cu dokternan di cas pa por prepara locual ta nesesario pa haci vacunacion di e grupo di meta aki posibel. Dokternan di cas lo haci seleccion di esnan cu ta resorta bou di e grupo di meta aki, a base di un lista acorda di malesanan y condicionan di salud.

Cuidadanonan cu a registra via Aruba Health App of na edificio di MFA lo wordo indentifica abase di un lista cu dokternan di cas lo provee y e personanan aki lo ricibi un invitacion pa por bin vacuna. E lista cu DVG lo ricibi di dokternan di cas ta encera number di AZV di e persona cu ta cualifica pa ricibi e vacuna dentro di e grupo di meta.

Yegada di tres batch di vacunaYegada di tres batch di vacunaDVG lo no ricibi ningun tipo di informacion medico di ningun pashent cu otro palabra DVG lo no ricibi informacion ki malesa of condicion di salud e persona tin. No obstante cu dokter di cas ta manda e informacion di e patient cu ta cay bou di e grupo di riesgo, ta urgi tur persona pa registra nan mes via e Aruba Health App of na un di e edificionan di MFA pa asina nan por ricibi nan afspraak pa vacuna. Si un persona ta pensa cu e ta resorta bou di e grupo di meta defini como “na risico pa motibo medico”, pero ta contra of no ta desea pa su informacion wordo duna na DVG, e persona mester tuma contacto cu su dokter di cas.

Yegada di tres batch di vacunaE grupo di meta cu ta na risico pa motibo medico ta encera:

  • Patient cu tumor maligno diagnostica den ultimo 5 aña;;
  • Patient despues di transplante di organo, stamcel of beenmerg
  • Patient cu un grado primario di deficiencia inmunológico;
  • Personanan cu sindrome di Down;
  • Patient cu condicion neurologico pa cual motibo nan respiracion ta comprometi;
  • Persona cu obesidad morbil (body mass index (BMI >40);
  • Patient cu desfuncion di su via respiratorio/pulmonnan y patientnan cu condicion cronico di su funcion di curazon;
  • Patient cu diabetes;
  • Patient cu malesa cronico di rion (pashent cu ta dialisa y cu a ricibi transplante);
  • Patient cu un afweerstoornis of cu ta wordo trata cu medicamento pa suprimi su sistema inmunologico pa cual motibo e pashent ta sufri di menos defensa contra infeccion di e via respiratorio;
  • Personanan cu deficiencia mental cu ta biba den institutonan of casnan di cuido..
Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options