Desde 1 october 2019 DTI a cuminsa cu e aplicacion di e Regulacion Ministerial, Regulacion Keurmento di lift

ORANJESTAD  - Recientemente Departamento di Inspeccion Tecnico (DTI) a tuma nota cu tin diferente “lift” rond di Aruba cu ta pega cu hende of tin incidentenan cu esaki.

Keurmento di liftKeurmento di liftPa es motibo aki Dienst Technische Inspecties (DTI) ta informa e pueblo di Aruba un bes mas cu desde 1 october 2019, DTI a cuminsa cu e aplicacion di e Regulacion Ministerial (Ministriële regeling) di 2 december 2015 cu yama  Regulacion Keurmento di lift (“ Regeling Keuring liften”).

Segun articulo 7 di e Regulacion Keurmento di lift por reconoci un compania abase di peticion di Hoofd van Dienst na Minister pa reconoce e compania como un compania cu ta autorisa pa keur lift.

Den e cuadro di esaki Liftinstituut Solutions Caribbean N.V. ta e compania cu a haci e peticion y a haya e autorisacion pa por keur lift bou di supervision di DTI.

Liftinstituut Solutions Caribbean N.V. conhunto cu DTI a cuminsa desde 1 october 2019 cu e keurmento di liftnan rond di Aruba cu a of ta keda instala door di un compania cu ta renoci pa DTI pa instala lift. E companianan cu ta oficialmente reconoci pa instala lift na Aruba ta Bopel Technical Services N.V. y Carel Elevators Aruba. A base di art. 3 di e Regulacion Keurmento di lift un compania cu ta reconoci mester instala y keur e liftnan.

Keurmento di liftEdficio Departamento Inspeccion Tecnico (DTI)DTI conhunto cu Liftinstituut a acerca den e periodo desde 01 october 2019 diferente hotelnan, companianan y negoshinan pa nan cuminsa e proceso pa keur nan liftnan. Por bisa cu varios a reacciona y a cuminsa e proceso di keuring y tin cu haya un periodo pa haci adaptacionnan y na final di e keuringsproces nan a ricibi nan certificado.

E aña aki DTI a cuminsa pone su sticker den e liftnan pa asina usuarionan di e lift por wak cu e lift ta gekeurd door di DTI.

E pandemia desde 2020 a trece cune cu varios keurmento no por a tuma lugar pa un periodo largo pero na final di 2020 a sigui esaki y den 2021 te cu awo tin keurmento cu ta tumando lugar semanalmente.

Ta responsabilidad di cada doño cu tin un lift den servicio pa acerca e instancianan concerni pa cuminsa cu e proceso di keuring di nan liftnan.

Haime Vingal di Departamento Inspeccion Tecnico (DTI)Francis Curiel di Departamento Inspeccion Tecnico (DTI)Por tuma contacto cu Liftinstituut Solutions Caribbean N.V. cu sr. Gerald Bremer na tel :5681640.

Y por contact DTI pa mas informacion na telnr :5937931(Francis Curiel) y tel nr: 5937934 (Haime Vingal).

DTI ta enfatisa pa garantisa e seguridad di e lift pa tin esaki  gekeurd door di DTI y tambe ta recomenda pa tin un bon sistema di mantencion di e liftnan regularmente.

   

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options